Tahiri: Duhet të shihet drita në fund të tunelit, Kosovën e ka kapluar errësira

Shefi i Grupit Parlamentar të PDK-së, Abelard Tahiri, ka thënë se subjekti në të cilin bënë pjesë është duke punuar dhe ka për qëllim që vendit t’i japë një qeveri të re.

Në një konferencë për media pas përfundimit të mbledhjes së Kryesisë së Kuvendit, ai tha se Kosova është në errësirë me Qeverinë Kurti.

“Siç e shihni jemi të izoluar dhe bllokuar, komplet angazhimi ynë parlamentar do të shkojë që vendit t’i japim një qeveri pas zgjedhjeve të 9 shkurtit. Në këtë kohë çfare jemi në këto përplasje me miqtë tanë ata që kanë ndihmuar që të vijmë në këtë pikë në ndërtimin e shtetit të Kosovës në anën tjetër me bllokimin e vendit në aspektin ekonomik, arsimit dhe shëndetësisë. Shihet se këto tri vite e gjysmë është bërë shumë pak në mënyrë që të ecim me zhvillimet e duhura që kanë ecur rajoni”.

“Pra në cilat do aspekte që e marrim në Kosovë ka ngecje. Angazhimi ynë do të jetë që vendit t’i jepim një qeveri të re që vendin t’a nxjerrim nga këto sanksione, në mënyrë që të shihet një dritë në fund të tunelit, sepse errësira e ka kapluar këtë vend”, ka thënë Tahiri.