Zyrtare: Gjilani nënshkruan me mesfushorin Blerind Morina

Gjilani ka vazhduar me përforcime, duke afruar mesfushorin Blerind Morina i cili ishte pjesë e Dukagjinit të Klinës sezonin e shkuar.

Mesfushori pejan ka nënshkruar për tri vite me klubin gjilanas dhe do të jetë në urdhrat e Ardian Nuhiut.

“Sport Club Gjilani komunikon angazhimin e futbollistit Blerind Morina. Marrëveshja ndërmjet klubit dhe futbollistit është e vlefshme nga 1 Korriku i këtij viti gjerë në fundin e qershorit të vitit 2027”.

“Morina ishte pjesë e klubit të Dukagjinit nga Klina në dy edicionet e fundit, derisa pati paraqitje të shkëlqyera edhe në arenën ndërkombëtare. Më parë ai ishte pjesë e klubeve belge KV Oostende dhe Cercle, teksa për dy sezone luajti edhe te skuadra italiane Reggiana.

“23 vjeçari luan në pozitën e mesfushorit të avancuar dhe pritet të jetë një ndihmesë e madhe për ekipin e Ardian Nuhiut”, thuhet në njoftimin e klubit.

Futbollisti me prejardhje nga Peja është prezantuar nga drejtori sportiv i Gjilanit, Ertan Demiri, i cili i ka uruar mirëseardhje në klub