Kryqi i Kuq: 22 persona të vrarë në një sulm pranë zyrës sonë në Gaza

Komiteti Ndërkombëtar i Kryqit të Kuq thotë se zyrat e tij në Gaza janë dëmtuar nga bombardimet, të cilat vranë 22 njerëz që kishin kërkuar strehim rreth kompleksit të tij.

“Predha të kalibrit të rëndë ranë brenda disa metrash nga zyra dhe rezidencat e Komitetit Ndërkombëtar të Kryqit të Kuq të premten pasdite”, thuhet në një deklaratë të KNKK-së, transmeton Klankosova.tv.

Deklarata shton se të gjitha palët kishin detyrimin të merrnin masa paraprake për të shmangur dëmtimin e civilëve dhe objekteve humanitare.

Një zëdhënës i Forcave të Mbrojtjes të Izraelit i tha BBC-së se hetimet fillestare sugjeruan se nuk kishte “asnjë indikacion” se kishte kryer një sulm në zonë, por shtoi se incidenti ishte “nën shqyrtim”.