“Kanë marrë shkas deklaratat e ….”, ministri Maqedonci jep detaje pasi hakerët rus sulmuan faqet e institucioneve

Ministri i Mbrojtjes, Ejup Maqedonci, ka konfirmuar se hakerët rus kanë sulmuar faqet e institucioneve të Kosovës.

Maqedonci tha se kjo u bë për shkak të një deklaratë që vetë ai kishte bërë.

“Kanë marrë shkas deklarimet e mija në mbështetje të Ukrainës. Ata kanë bërë thirrje për sulme në rusisht”, tha ministri për Insajderin.

Në reagimin e hakërreve rus përmendet edhe fjalimi i ministrit Maqedonci, i cili ka thënë, sipas tyre, se “Kosova është e gatshme t’i ofrojë ndihmë ushtarake Ukrainës”.

“Kosova është e gatshme t’i bashkojë përpjekjet kolektive për të mbështetur mbrojtjen e Ukrainës. Ata duhet të mendojmë më shumë për këtë…”, kanë shkruar rusisht këta hakera.