Krasniqi: Shuplakë e rëndë raporti i DASH-it, alarm se në Kosovë ka korrupsion qeveritar

Pas raportit të DASH ku pati kritika për qeverinë e Kosovës, ka reaguar deputetja e LDK-së, Rrezarta Krasniqi.

Krasniqi thotë se kjo është shuplakë e rëndë për qeverinë.Ajo thekson se tashmë korrupsioni nuk është lajm për pushtetin.

Reagimi i plotë:

Shuplakë e rëndë për qeverinë raporti i DASH-it.

Raporti i Departamentit Amerikan të Shtetit për Republikën e Kosovës ngre alarm se në Kosovë ka korrupsion serioz qeveritar.

Korrupsioni tanimë nuk është lajm për pushtetin sepse eksponentët kryesor të qeverisë i dalin në mbrojtje atyre që janë të pandehur para gjykatës për afera korruptive. Është normale që në raport citohet tekstualisht “serious government corruption”, kur qeveria mbron:

1. Nagip Krasniqin dhe skandalet e tij në KEK

2. Martin Berishaj dhe milionat e tij me mafian e energjisë

3. Ridvan Muharremi dhe skandali i rezervave shtetërore që nuk erdhën kurrë

4. Faljen e miliona eurove për ambalazhuesit e ujit

Në këtë raport theksohet se, ka probleme serioze me pavarësinë e gjyqësorit, edhe kjo është normale për Qeverinë Kurti kur Kryeministri dhe vartësit e tij bëjnë presion hapur ndaj gjyqësorit.

Vetëm gjatë mandatit të Kurtit kanë ndodhur këto sulme:

1. Kryeministri deklaron në Kuvend që Kryeprokurori nuk do të emërohet sepse nuk do ta lejojmë me Kryetarin e Kuvendit dhe Presidenten.

2. Sjellin ligje antikushtetuse dhe bëjnë presion ndaj gjykatës kushtetuese që duhet të garojnë në zgjedhje si subjekt politik

3. E shkelin kushtetutën 7 herë brenda mandatit

4. Etiketojnë me emra gjykatësit dhe bëjnë presion publik ndaj tyre
Dhe tjetër shqetësim serioz në këtë raport janë kufizimet serioze për lirinë e shprehjes dhe lirinë e medias, duke përfshirë dhunën ose kërcënimet me dhunë ndaj gazetarëve. Edhe kjo është normale për qeverinë Kurti sepse:

1. Me vendim të ministrisë tentuan të ta mbyllnin një nga televizionet më të mëdha në vend

2. Bën presion tek gjyqtarët për të ngritur aktakuzë ndaj gazetarëve sikur rasti i Lirim Mehmetaj

3. Përmes politizimit të KPM-së po tentojnë të cenzurojnë mediat e shkruara