Gjoshi i PDK-së: Kryeministër, ku e ke sovranitetin në veriun e Kosovës?

Sekretari organizativ i Partisë Demokratike të Kosovës (PDK), Betim Gjoshi ka deklaruar se kryeministri Kurti nuk po mund ti hap shkollat si qendra të votimit më 21 prill në veri të vendit, shkruan GazetaDemos.

“21 Prilli” është vetëm shpërfaqje e dobësisë të Republikës së Kosovës nga kryeministri, Albin Kurti”, deklaroi ai.

Postimi i plotë i tij:

Kryeministër, ku e ke sovranitetin në veriun e Kosovës?

Nuk je në gjendje t’i hapësh shkollat si qendra të votimit më 21 prill edhe këtë po vazhdon ta quash shtrirje sovraniteti?

“21 Prilli” është vetëm shpërfaqje e dobësisë të Republikës së Kosovës nga kryeministri, Albin Kurti.

Për të gjithë ata që nuk janë të informuar, më 21 prill, Qeveria e Kosovës nuk po arrin të sigurojë hapjen e shkollave në veriun e Kosovës ku qytetarët do të mund të votonin.

Albin Kurti është dorëzuar përballë Listes Serbe të Milan Radojiçiqit, me të cilin ai dhe partia e tij, Vetëvendosje, janë zënë duke u koordinuar për politika të brendshme të Republikës së Kosovës.