Policia gjeti drogë në veturën e dy personave në Kamenicë

Policia në Kamenicë ka gjetur drogë në një veturë brenda të cilës ishin dy persona.

“Njësiti policor ka ndaluar një veturë me targa vendore, ku gjatë kontrollit fizik të dy të dyshuarve meshkuj kosovarë, është gjetur dhe sekuestruar substancë e dyshuar narkotike e llojit marihuanë e paketuar në 23 qese plasmani në peshë prej 29.6 gram”, njofton policia përmes raportit.

Me vendim të prokurorit dy të dyshuarit janë dërguar në mbajtje.