Lushtaku për vdekjen e ish-ushtarit të UÇK-së: Bashkëpunëtorë i hershëm i Presidentit Thaçi

Nënkryetari i komunës së Skenderajt, Sami Lushtaku, ka reaguar për vdekjen e Xhavit Ferizit, ish truprojë e ish presidentit Thaçi dhe ish pjesëtar i UÇK’së.

Ai ka thënë se është i dhimbshëm lajmi për vdekjen e tij dhe ka shtuar e Raketa ishte një prej luftëtarëve të dalluar të UÇK’së, bashkëpunëtor i hershëm i presidentit Thaçi dhe njeri me virtyte të larta njerëzore.

Lushtaku ka shprehur ngushëllime familjes dhe miqve.

“I dhembshëm lajmi për ndarjen nga jeta të bashkëluftëtarit, mikut e bashkëqytetarit tonë, Xhavit Ferizi – Raketa. Raketa ishte prej luftëtarëve të dalluar të Ushtrisë Çlirimtare të Kosovës, bashkëpunëtor i hershëm i Presidentit Hashim Thaçi, njeri me virtyte të larta njerëzore për të cilat do ta kujtojmë gjithmonë. Ngushëllime familjes Ferizi, miqve dhe dashamirëve! Lavdi jetës dhe veprës së tij.”, ka thënë Lushtaku.