Ahmeti shkon në Tajlandë: Kërkon përkrahje për anëtarësim në organizata ndërkombëtare

Zëvendësministri i Punëve të Jashtme dhe Diasporës, Kreshnik Ahmeti, ka shkuar për vizitë në Tajlandë.

Ai atje është pritur nga homologu i tij, Sihasak Phuangketkeoë.

Ata biseduan për finalizimin e disa marrëveshjeve që kanë të bëjnë me kulturën dhe ekonominë.

Ahmeti kërkoi nga shteti tajlandez edhe ndihmë në anëtarësimin në organizata dhe mekaniza mëtë ndryshëm ndërkombëtar.

Njoftimi i plotë:

Zëvendësministri i Punëve të Jashtme dhe Diasporës, z.Kreshnik Ahmeti, fillon vizitën zyrtare në Mbretërinë e Tajlandës, ku u prit në takim nga homologu i tij z. Sihasak Phuangketkeoë.

Në takim u bisedua për marrëdhëniet bilaterale mes dy vendeve, koordinimin multilateral dhe zhvillimet aktuale në të dyja vendet dhe rajonet përkatëse.

Në kuadër të bashkëpunimit bilateral u diskutua për përfundimin e një sërë marrëveshjesh, me theks në sektorët e kulturës dhe ekonomisë.

Në rrafshin e koordinimit multilateral, u diskutua me palën tajlandeze për planet e Republikës së Kosovës për anëtarësim në organizata ndërkombëtare si domosdoshmëri për ushtrim të të drejtave të qytetarëve të Kosovës dhe u kërkua përkrahja Tajlandës.

Zëvendësministri Ahmeti falenderoi zëvendësministrin Phuangketkeoë për mbështetjen e vazhdueshme të Tajlandës për Kosovën.