Mbappe regjistron markat e tij: Emrin me iniciale, festën e golit, por edhe dy fjali

Sulmuesi francez Kylian Mbappe ka regjistruar disa nga markat e tij tregtare në Zyrën Evropiane të Pronësisë Intelektuale, shkruan Diario AS.

Domethënë, Mbappe fillimisht ka mbrojtur emrin, mbiemrin dhe inicialet e tij dhe të njëjtën gjë ka bërë edhe me festën e golave kur kryqëzon krahët.

Gjithashtu, ai mbrojti dy fjali që ka përmendur në të kaluarën.

“Mos më thuaj për moshën” dhe “Futbolli ka ndryshuar” – janë dy fjalët që ka mbrojtur Mbappe.

Për kujtesë, Mbappe po përgatitet për një lëvizje të madhe te Real Madridi në verë si lojtar i lirë pasi kontrata e tij me Paris Saint-Germain skadon më 30 qershor.

Këtë sezon, ai ka luajtur 31 ndeshje në të gjitha garat në të cilat ka shënuar 32 gola dhe ka asistuar në shtatë të tjerë.

Kujtojmë se PSG-ja e bleu në vitin 2018 për 180 milionë euro nga Monaco, klubi ku ai u rrit dhe i cili i pari i dha një shans në futbollin profesionist.

Mbappe është edhe kapiten i kombëtares franceze, për të cilën debutoi në vitin 2017 dhe që atëherë ka bërë 75 paraqitje dhe ka shënuar 46 gola.