Kurti viziton ambasadën e Kosovës në RMV

Zyra e Kryeministrit ka njoftuar se Kryeministri Kurti gjatë vizitës zyrtare në Maqedoni të Veriut është takuar me ambasadorin e Republikës së Kosovës në Shkup.

Kjo vizitë erdhi pas mbajtjes së takimit rajonal të Partive së Socialistëve Evropian të organizuar nga Fondacioni Friedrich-Ebert-Stiftung (FES).

Kurti u prit nga ambasadori i Kosovës, Florian Qehaja, dhe ata folën rreth zhvillimeve në shtetin pritës dhe nivelin e bashkëpunimit dhe raporteve ndërmjet Kosovës dhe Maqedonisë së Veriut, thuhet në njoftim.

Në fund Kurti falënderoi ambasadorin Qehaja për mikpritjen dhe ka shprehur konsideratat e tij për punën e shërbimit të jashtëm të Republikës së Kosovës.

Njoftimi i plotë:

Gjatë qëndrimit në Maqedoninë e Veriut, ku mori pjesë në takimin rajonal me udhëheqës të partive simotra të Partisë së Socialistëve Evropian, të organizuar nga Fondacioni Friedrich-Ebert-Stiftung (FES),  Kryeministri i Republikës së Kosovës, Albin Kurti, vizitoi Ambasadën e Republikës së Kosovës në Shkup.

Aty, ai u prit nga Ambasadori i Republikës së Kosovës në Maqedoni të Veriut, Florian Qehaja, nga i cili u njoftua mbi punën e ambasadës, zhvillimet në shtetin pritës dhe nivelin e bashkëpunimit dhe raporteve ndërmjet Kosovës dhe Maqedonisë së Veriut.

Kryeministri Kurti falënderoi ambasadorin Qehaja për mikpritjen, teksa shprehu konsideratat e tij për punën e shërbimit të jashtëm të Republikës së Kosovës në funksion të përfaqësimit dhe mbrojtjes së interesave të qytetarëve dhe shtetit të Kosovës.