Mushkolaj: Kurti e ka pranuar draftin për Asociacionin, nuk e dimë se a do të zbatohet

Analisti politik, Imer Mushkolaj, në “Debat Plus” ka thënë se Asociacioni i Komunave me shumicë serbe do të formohet, por që forma se si do bëhet ende nuk dihet.

Ai tha se edhe kryeministri Albin Kurti e ka pranuar marrëveshjen ku brenda saj është edhe Asociacioni, por që sipas tij ende nuk dihen se a do të realizohen ato marrëveshje ashtu siç janë.

“Asociacioni do të formohet, nuk e di kur… por do të themelohet. Varet prej nesh si institucione se çfarë do ta krijojmë dhe si do të zbatohet në praktikë. Në letër mundemi me pa shumë gjëra që duken mirë apo të dëmshme, por duhet ta shohim në praktikë… Albin Kurti e ka pranuar planin e zbatimit në OHËR, e ka pranuar draftin e Asociacionit… Mund të themi që nuk e dimë se a do të realizohen… por këto janë pranuar nga Qeveria nga Kurti”, tha ai.