Vetura e godet një biçiklist në Gllamnik të Podujevës

Një aksident trafiku ka ndodhur në fshatin Gllamnik të Podujevës, ku një veturë e ka goditur një biçiklist.

Ngjarja ka ndodhur rreth orës 17:00.

Lajmin ka konfirmuar zëdhënësja e policisë për rajonin e Prishtinës, Flora Ahmeti.

“Si pasojë e aksidentit, lëndime trupore ka pësuar biçiklisti, i cili është dërguar për tretman mjekësor”, tha Ahmeti.

Ahmeti u shpreh se policia e ka nisur hetimet për zbardhjen e rastit.