Lushtaku: Serbia, rrezik për destabilizimin e Kosovës, Kurto*viq tradhtar, me qëllime të njëjta si të Serbisë

Njëri ndër figurat padyshim me rëndësi politike në PDK, Sami Lushtaku, shpehu brengën për marrëveshjen e fundit të arritur në Bruksel, duke theksuar se kjo situatë nuk mund të çoj në luftë të re me Serbinë. Por, sipas tij gjithsesi se tashmë dihet se do të ketë zhvillime të rënda. 

“Ndoshta luftë e konfrontim nuk do të kemi por situata të rënda po”, pohoi Lushtaku, i cili e drejton degën e PDK-së në Skënderaj, një bastion ky i kësaj partie që prej vitit 1999.

Lushtaku është nervozuar tej mase me kryeministrin Kurti, kur ai e akuzoi e ish presidentin Thaçi për idenë e korrigjimit të kufijve në Paris. Kurti derisa ishte në Forumin e Paqes në Paris, tha mes tjerash tha se ideja e korrigjimit, ishte zgjidhje e dëmshme e ofruar nga autokratët Thaçi dhe Vuçiq.

“Me lavdu Albin Kurti, Hashim Thaçin unë prekem shumë. Ky nuk është kryeministri im. Veç i pabesi nuk beson. Veç tradhtari mendon se janë tradhtarë krejt. Nëse dikush është tradhtar, ai është Albin Kurti. Për m’u dhe secilin shqiptar është me rëndësi që territori të mos preket. E zgjidhja e fundit nuk iu shërben as vet serbëve. Është i pafytyrë, rrenc e mashtrues. Unë nuk iu besoj atyre që kanë kaluar nëpër kazamatet serbe”, ishte kjo përgjigja me plotë akuza e Lushtakut ndaj kryeministrit Kurti, raporton Kosovelive.

“Serbia nuk ia falë asnjëherë shqiptarëve të Kosovës për këtë çka ka ndodhë e ku jemi. Ka me i përdorë të gjitha mjetet me e destabilize vendin tonë. E keqja është se kryeministri ynë e ka qëllimin e Serbisë”, mendon me bindje kështu z. Lushtaku.