Kurti – ambasadorëve të QUINT-it: Kosova e gatshme ta nënshkruajë marrëveshjen themelore, Serbia po refuzon

Kryeministri i Kosovës, Albin Kurti, ka mbajtur një takim me ambasadorët e akredituar të shteteve të QUINT-it në Kosovë me qëllim të ofrimit të informacioneve më të fundit mbi dialogun ndërmjet Kosovës dhe Serbisë.

Shefi i qeverisë nëpërmjet një postimi në platformën X, ka theksuar se, nëse çështja do të ishte vetëm në dorën e Kosovës, ata do të ishin në gjendje të kishin arritur një marrëveshje dhe të ishin tashmë në fazën e zbatimit të saj.

“Theksova gjithashtu se nëse do të ishte vetëm në dorën e Kosovës, ne do të kishim arritur një marrëveshje dhe tashmë do të ishim në proces të zbatimit të saj. Kosova është ende e gatshme të nënshkruajë Marrëveshjen Bazë, Aneksin e Zbatimit dhe draftin e 21 tetorit. Serbia vazhdon të refuzojë”, ka shkruar kryeministri Kurti.

Ani pse dikur ishte kritik për qasjen e BE-se, në dialog, sot kryeministri ka shprehur mirënjohjen e tij për Bashkimin Evropian dhe Shtetet e Bashkuara të Amerikës për përpjekjet e tyre në përpjekjen për të rivendosur dialogun pas sulmit terrorist të 24 shtatorit

I also emphasized that if it were solely up to Kosova, we would have reached an agreement and would already be in the process of implementing it. Kosova is still willing to sign the Basic Agreement, the Implementation Annex and the October 21 draft. Serbia continues to refuse.

— Albin Kurti (@albinkurti) October 30, 2023