Policia identifikon ngasësin që kishte drejtuar mjetin në kahun e kundërt në Gjakovë

Policia e Kosovës ka njoftuar se ka identifikuar ngasësin i cili po drejtonte makinën në kahun e kundërt të rrugës, shkruan GazetaDemos.

Video e ngasjes ishte publikuar me datë 29.09.2023 , ndërsa më 03.10.2023 Policia e ka identifikuar atë.

“Drejtoria Rajonale e Policisë në Gjakovë, apelon tek të gjithë pjesëmarrësit në trafikun rrugor që të respektojnë rregullat e trafikut në mënyrë që të kontribuojnë në sigurinë rrugore”, thuhet në njoftim.

Njoftimi i plotë:

Identifikohet automjeti dhe ngasësi që kishte drejtuar mjetin në kahun e kundërt, përkatësisht në kahun e ndaluar të lëvizjes (kundërvajtja ishte regjistruar me video incizim dhe ishte shpërndarë në internet).

Gjakovë, 3 tetor 2023 Njësia Rajonale e Komunikacionit Rrugor në Gjakovë, ka arritur të identifikojë automjetin dhe ngasësin e tij i cili me datën 29.09.2023, kishte drejtuar mjetin në fjalë në kahun e kundërt, përkatësisht në kahun e ndaluar të lëvizjes në rrugën Prishtinë-Gjakovë në fshatin Rakovinë, rrugë e cila ka katër shirita të trafikut (nga dy shirita të lëvizjes në një drejtim).

Kundërvajtja ishte regjistruar me video incizim dhe ishte shpërndarë në internet (në një portal informativ). Bazuar në ligjin për trafikun rrugor, shoferit të automjetit, ju është shqiptuar gjoba 150euro dhe një (1) pikë negative. Drejtoria Rajonale e Policisë në Gjakovë, apelon tek të gjithë pjesëmarrësit në trafikun rrugor që të respektojnë rregullat e trafikut në mënyrë që të kontribuojnë në sigurinë rrugore