Institucionet në hall me veturat zyrtare

Parkingu i veturave zyrtare në Komunën e Prishtinës mbeti bosh.

Dhjetëra nga to që ekzekutivi lokal i kishte në përdorim me qera sikur edhe disa dikastere qeveritare nga Ministria e Pushtetit Lokal, u skadoi kontrata e operatori i mori nga institucionet.

Kjo bëri që të pamundësohet zhvillimi normal i punës për shumë drejtori si inspekcionit, urbanizmit etj..

Kryeqyteti provoi të bëjë zgjidhje emergjente por pa sukses, e tash po përdor mënyra alternative të transportit si me taksi.

Procedurave burokratike po ia ka dertin edhe Ferizaj, që ka numër minimal të makinave zyrtare, vetëm dy copë.

E Florian Alaj nga Agjencia Qendrore e Prokurimit i tha Klanit se janë në përgatitje të dokumentacionit që kontrata për automjete me qira, të zgjatet edhe për një vit.