Punëtorja e QKMF-së në Gjakovë sulmohet për herë të dytë nga qentë endacakë

Sulmet nga qentë endacakë janë bërë pothuajse të zakonshme gjatë viteve të fundit në Kosovë, shkruan GazetaDemos.

Një rast të tillë e ka raportuar edhe qytetarja nga Gjakova, Aferdita Mula Zhubi, e cila është punëtorë në QKMF-në e Gjakovës.

E njëjta ka bërë të ditur se është sulmuar nga qentë endacakë për herë të dytë, derisa po shkonte në punë, me ç’rast ka marrë lëndime trupore.

“Dt 06.09 2023 perkatesisht sot ne oret e hershme te mengjesit .. ORA : 05 :45 ne lagjen Parku i Lirise duke ardhur ne pune sulmohem per here te dyte nga kafshimi i qenve endacak. Ju lutem organeve kompetente Komuna e Gjakovës ,Cabrati te merni masa ndaj qenve endacak ne menyre qe te levizi lirshem drejt vendit te punes”, ka shkruar ajo në Facebook.

Postimi i plotë: