Macron kërkon mbajtjen e zgjedhjeve në veri të vendit

Presidenti francez, Emmanuel Macron, ka folur për Kosovën dhe Serbinë gjatë fjalimit të tij para ambasadorëve.

Ai ka kërkuar nga të dy palët angazhim për mbajtjen e zgjedhjeve në Veri, kthimin e serbëve në institucione, derisa ka përmendur edhe asociacionin.

Në fund, Macron deklaroi se Franca dhe Gjermania kanë bërë zotime për politikat e vizave dhe çështjet tjera ekonomike në rast se Serbia dhe Kosova “dështojnë të sillen me përgjegjësi”, transmeton Gazeta Express

“Sa i përket dallimeve mes Kosovës dhe Serbisë dhe unë besoj që ky është një udhërrëyes i mirë, është përkrahur nga negociatorët evropianë dhe përfaqësuesit tanë, kështu që ne kërkojmë angazhim të plotë nga të dy palët. Çdo angazhim për organizim të zgjedhjeve të reja lokale, riangazhimi i serbëve në institucionet e Kosovës, njohja e komunave në Veri të Serbisë, në emër të autoriteteve të Kosovës. Ne presim që paqja do të kthehet në këtë pjesë. Franca e Gjermania kanë bërë zotime sa i përket politikave të vizave dhe çështje tjera ekonomike, të cilat do të rishikohen nëse palët dështojnë të sillen me përgjegjësi. Duhet të jemi vigjilentë veçanërisht në këtë aspekt, veçanërisht kur bëhet fjalë për stabilitetin në Ballkanin Perëndimor”, tha Macron.