Teatri Kombëtar i Kosovës shpreh ngushëllime për vdekjen e aktorit Qorraj

Teatri Kombëtar i Kosovës shprehu ngushëllime për vdekjen e aktorit nga Deçani, Xhevat Qorraj, përcjell GazetaDemos

Sipas një postimi në “Facebook” Teatri Kombëtar i Kosovës theksoi se do ta kujtojë artistin për talentin e tij të rrallë dhe për rolet e shumta.

“Rolet e tij në teatër dhe film do mbahen mend gjatë dhe do të vazhdojnë të ndriçojnë rrugën e artit për shumë gjenerata”, thuhet në njoftim.

Njoftimi i plotë nga Teatri Kombëtar i Kosovës:

NJOFTIM MORTOR

Me pikëllim të thellë morëm lajmin për humbjen e njeriut tonë të çmuar, aktorit të Teatrit Kombëtar të Kosovës e artistit të njohur, Xhevat Qorraj.

Rolet e tij në teatër dhe film do mbahen mend gjatë dhe do të vazhdojnë të ndriçojnë rrugën e artit për shumë gjenerata.

Teatri Kombëtar i Kosovës do ta kujtojë Xhevat Qorrajn për talentin e tij të rrallë, rolet e tij të shumta, kolegialitetin e tij të pashoq dhe kontributin e tij të pafund në kulturën dhe artin tonë kombëtar.

Le të kujtojmë dhe të nderojmë së bashku jetën dhe veprën e mrekullueshme të Xhevat Qorraj.

Ngushëllime të sinqerta për familjen dhe të gjithë komunitetin artistik.

Për detaje të ceremonisë së varrimit do të ju lajmërojmë me kohë!