Organizatat rinore të Kosovës kërkojnë mbështetje të drejtë dhe transparencë nga MKRS

Organizatat rinore në Kosovë shprehin pakënaqësi të thellë me trajtimin e Ministrisë së Kulturës, Rinisë dhe Sportit me “Thirrjen për projekt propozime në fushën e rinisë 2023 për OJQ-të”.

Procesi i vlerësimit të aplikacione e dhe mungesa e mbështetjes financiare kanë lënë të përjashtohen shumë organizata, duke penguar aftësinë e tyre për të ofruar shërbime thelbësore për të rinjtë kosovarë.

Pavarësisht se cilësohen si “shpresa” dhe “e ardhmja” e Kosovës, të rinjtë përballen me zhgënjim dhe migrim për shkak të mungesës së mbështetjes.

Në komunikatën e dërguar për media, Organizatat kërkojnë një rivlerësim të projekteve, kritere të drejta dhe rritje të financimit për sektorët rinorë. Ata gjithashtu bëjnë thirrje për një plan të qëndrueshëm financimi për të siguruar mbështetje të vazhdueshme gjatë gjithë vitit, duke parandaluar boshllëqet në programet rinore dhe duke promovuar organizata të qëndrueshme.

Kërkesat urgjente përfshijnë procese vlerësimi transparente dhe mbështetje të balancuar për zonat rurale dhe urbane.

Organizatat rinore paralajmërojnë për protesta të mundshme dhe kërkojnë një qasje bashkëpunuese për një zgjidhje të suksesshme