Basha: Borrelli i ka bë palë kriminelët e Policinë e Kosovës, është ofenduese për ne

Deputeti i Lëvizjes Vetëvendosje, Dimal Basha ka reaguar sërish pas kidnapimi të tre policëve të Kosovë nga forcat serbe, shkruan GazetaDemos.

Ai në një postim në facebook ka thënë se shefi i diplomacisë evropiane, Josep Borrell nuk është deklaruar për rastin ndaj policëve.

Ai ka shtuar se Borrelli, sipas tij, ka bërë palë kriminelët serbë dhe Policët e Kosovës.

Postimi i plotë:

Mirëmëngjes qytetarë,

Siç po e vëreni, asnjë reagim nga Borelli për tre policët shqiptarë që po mbahen në llogoret e Vuçiqit! Reagimi i tij i vetëm paska ardh për 5 pikat e Kryeministrit, ku ndër tjera paska shkru se nëse hjeken policia jonë speciale dhe hjeken kryetarët nga objektet komunale, paralelisht do t’kërkojnë nga Vuçiqi që “me perkrah tërheqjen e elementeve radikale!”

qe perkthehet,

1. Borelli po e pranon që Vuçiqi i dirigjon këto elemente radikale të strukturve kriminale, dhe

2. Borelli i paska bë palë kriminelët me kryetarët dhe Policinë e Kosovës, dhe tash po kërkon me i shti në pazar si palë të barabarta.

Kjo është ofenduese për shtetin e Kosovës, për Policinë tonë, sepse nuk kemi të bëjmë me palë të barabarta, por Policinë që zbaton ligjin dhe kërkon rend e siguri, dhe kriminelët që synojnë kontroll t’asaj hapësire dhe destabilizim të vendit!

Kaq për Borellin miq!