Momenti kur sillet në Gjykatë i arrestuari serb për sulmin ndaj KFOR-it

Para pak minutash është sjell në Gjykatën Themelore të Prishtinës i dyshuari Milun Milenkoviq- Llune, i cili u arrestua të martën për sulmet ndaj KFOR-it.

Seanca për caktimin e masës së paraburgimit ndaj tij pritet të fillojë në ora 14:00, raporton “Betimi për Drejtësi”.

Prokuroria Speciale e Republikës së Kosovës (PSRK), ka kërkuar nga Gjykata Themelore në Prishtinë, caktimin e masës së paraburgimit ndaj të dyshuarit Milun Milenkoviq- Llune, i cili u arrestua të martën për sulmet ndaj KFOR-it.

“Policia e Kosovës sot ka arrestuar Milun Milenkovic- Llune, një nga udhëheqësit e formacionit kriminal “Mbrojtja Civile” dhe prijësin e bandave kriminale që ndër vite kanë terrorizuar qytetarët tanë, kanë sulmuar pjesëtarët e Policisë së Kosovës dhe institucionet e Republikës së Kosovës. I njëjti ka qenë edhe organizatori kryesor i sulmeve ndaj forcave të KFOR-it dhe Policisë së Kosovës në Zveçan”, kishte shkruar ndër të tjera Sveçla.