Dërgohet në mbajtje i dyshuari për tri vepra penale të raportuara në Podujevë

Policia e Kosovës ka njoftuar se është dërguar në mbajtje i dyshuari për tri vepra penale të raportuara në Podujevë.

“Mbrëmë personi i dyshuar A.F, mashkull 24 vjeç, i është përgjigjur ftesës së policisë për intervistim, lidhur me tri vepra penale (detyrim, kanosje dhe lëndim trupor), të raportuara në Podujevë”, thuhet në njoftim të policisë.

Sipas policisë, personi i dyshuar, pas intervistimit me vendim të prokurorit është dërguar në qendrën e mbajtjes, ndërkohë që hetuesit po kryejn veprimet e nevojshme policore para se lënda e të dyshuarit të procedohet më tej.