Noizy e denoncoi se e kërcënonte me jetë, Cllevio tregon të pathënat e sherrit me reperin

Armiqësia e reperit Kleviol Ahmeti i njohur si Cllevio dhe Noizyt prej kohësh është në qendër të vëmendjes, e sidomos pas konfliktit të fundit që përfundoi në polici.

I gjendur në masën “arrest shtëpie” Clevio ka dhënë një intervistë ku ka shpjeguar dhe arsyet e zanafillës së këtij konflikti dhe arsyen e rinisjes së debatit pas premtimit që kishin bërë për ta mbyllur konfliktin pa ofendime veçanërisht në rrjetin social Tik Tok!

“Lufta” mes dy rreperëve ka nisur fillimisht si rivalitet mes këngëtarësh të muzikës rrep dhe prej kohësh ata kanë vijuar konfliktet në rrjetet sociale, ku secili prej tyre ka treguar forcën me sharje, fyerje e ironi për njëri-tjetrit.

Cllevio ka treguar për news24 se me të vërtetë është shfaqur ndonjëherë në vende ku ata kanë qenë prezent por kjo ka qenë vetëm rastësi.

Më tej reperi tha se pasi ata e kishin mbyllur njëherë konfliktin e tyre, me premtimin që nuk do ofendoheshit më, premtim nuk u mbajt pasi sipas tij Noizy ka përdorur një shprehje: “Ti skuqa faqet me shapka”, pasi në sherrin e fundit ai ishte i veshur me shapka.

“Isha në Itali 1 muaj, kur erdha në Rinas u arrestova. E vërteta ishte se Noizy kishte bërë denoncim me babain e vet me preteksin se unë i bezdisja ose e thënë me termin ligjor “përndjekje”. Me të drejtë pasi unë jam shfaqur në vende ku ata kanë qenë prezent, kjo ka qenë rastësi, por ata i marrin për prova, unë s’kam pse ta përndjek në ato vende pasi e di ku është.

Unë piva kafe me babain e Noizyt dhe më pas me Noizyn, më priti shumë mirë dhe ika me premtimin që nuk do shahemi më, e mbyllëm dhe pse për mua ishte e vështirë pasi ai më ka prekur fizikisht, dhe kur më ka prekur fizikisht ka qenë veshur me shapka.

Dy ditë më vonë pasi pimë kafe ai nxori një bashkëpunim me dy shokët e vet që më kanë sharë më parë, njëri nga shokët ka qenë edhe prezent edhe në sherr. Noizy në këtë bashkëpunim thotë një shprehje: “Ti skuqa faqet me shapka”, kjo fjalë më ngacmoi mua dhe e ktheu situatën nga fillimi. A ka një moral shoqëria, pse duhet të më ngacmosh më te ajo pjesë. Kjo më ka mërzit shumë, se pas kafes që pimë nxorri këngë dhe thotë “të rrafa me shapka”. Nuk jam unë ai që kam prerë besën.“Isha në Itali 1 muaj, kur erdha në Rinas u arrestova. E vërteta ishte se Noizy kishte bërë denoncim me babain e vet me preteksin se unë i bezdisja ose e thënë me termin ligjor “përndjekje”. Me të drejtë pasi unë jam shfaqur në vende ku ata kanë qenë prezent, kjo ka qenë rastësi, por ata i marrin për prova, kurse unë s’kam pse ta përndjek në ato vende pasi e di ku është”, ka treguar Cllevio.