Presidenti i Napolit është dorëzuar dhe tregoi që Osimhen nuk luan nesër “Për fatin tonë të keq, Osimhen nuk luan në Milano. Shpresojmë ta kemi të gatshëm në datën 18 në ‘Maradona’”.
Numri një I Napolit u ka dhënë tifozëve kampan lajmin më të keq të mundshëm vetëm një ditë para takimit mes Milan-it dhe Napolit.
Ashtu siç preferon të bëjë gjithmonë edhe në këtë rast Aurelio De Laurentiis ka qenë mjaftushëm në qendër të vëmendjes pasi këto fjalë i ka thënë i gjendur përballë një grupi tifozësh në Ischia. Sipas “Repubblica”-s klubi nuk ka hequr dorë nga shërbimet e nigerianit pasi ky i fundit do të jetë pjesë e grupit, i cili do të niset ditën e sotme drejt Milanos. Sipas mediaave italiane fjalën e fundit do ta kenë vetëm mjekët, të cilët nesër në mëngjes do të bëjnë ekzaminimet e fundit dhe vetëm në atë moment do të vendoset nëse nigeriani do të jetë ose jo në fushë.
Sa i përket zgjidhjeve taktike Spalletti-t i duhet që të improvizojë jo pak. Mendohet se Napoli pa nigerianin në majën e sulmit mund të luaj me 9 fals. Rol ky që do t’i besohej Kvaratskhelia-s, i cili do të mbështetej nga krahët nga lojtarë si Lozano e Politano. Një tjetër mundësi do të ishte aktivizimi i Elmas si “pykë” me Lozano dhe Kvara-n nga krahët.
Në këtë drejtim më shumë do të kuptohet vetëm pas orës 19:00 të ditës së sotme kur në “San Siro” do të paraqitet Spalletti. Ndërsa ndeshja do të transmetohet direkt në RTSH 1 të mërkurën në mbrëmje.