Mbappe i reagon publikisht PSG-së: Unë nuk jam Kylian Saint-Germain

Futbollisti i PSG-së, Kylian Mbappe ka shprehur publikisht pakënaqësinë e tij për shkak se klubi i tij publikoi një video të re të biletave sezonale ku shfaqet ai.

Siç thotë Mbappe, ai nuk ka dhënë leje që imazhi i tij të jetë në video, dhe ka vite që lufton për të mbrojtur imazhin e tij dhe të drejtat për imazhin e tij.

Francezi tregon se nuk e dinte që intervista që dha do të përdorej në fushatën për biletat e reja të sezonit të klubit.

Ai është mërzitur që shfaqet pothuajse i vetëm në video dhe ka theksuar se PSG është një klub i madh dhe një familje, jo një individ.

“Sapo pashë fushatën e rinovimit të sezonit për sezonin 23/24. Në asnjë moment nuk jam informuar për përmbajtjen e intervistës me bashkëbiseduesin. Dukej si një intervistë bazë në një ditë marketingu në klub. Unë nuk jam dakord me këtë video të postuar. Kjo është arsyeja pse unë luftoj për të drejtat e individëve për imazh. PSG është një klub i madh si një familje, por sigurisht që nuk është Kylian Saint-Germain”, ka shkruar Mbappe në një postim në Instagram.

Mëposhtë mund ta shikoni videon për të cilën bëhet fjalë.