Zyrtare: FSHF e përjashton FK Tërbuninë nga garat

Komisioni i Disiplinës në FSHF ka shqyrtuar ngjarjet e kësaj jave në futbollin shqiptar teksa ka dhënë vendime për ngjarje të ndryshme që kanë ndodhur në vendin tonë, duke filluar nga Kategoria e Parë.

FK Tërbuni është përjashtuar dhe ka rënë një kategori më poshtë, ndërsa gjithashtu shumë futbollistë të Kategorisë së Dytë janë dënuar.

VDENIMET:1.

FK Tërbuni, për dështim në përmbushjen e përgjegjësive në mënyrë të përsëritur, duke shkaktuar akte dhune dhe duke mos garantuar sigurinë e zyrtarëve të ndeshjes në bazë të Neneve 30/1, 30/4/a, 31, 39/1, 65/1 dhe 65/3/c të KDS, humbet ndeshjen në tavolinë me rezultatin 3-0 kundër KF Turbina dhe dënohet me gjobë në masën 300.000 (treqind mijë) lekë. Sipas nenit 116/1/a të KDS, gjoba të aplikohet në masën 50%.Në zbatim të Neneve 27, 28, 63, 64/2, 65/4/d dhe 114/2 të KDS, FK Tërbuni përjashtohet nga aktiviteti futbollistik për sezonin 2022-2023 dhe zbritet në një kategori më të ulët.