Tërmkolli: Po të ishte gjallë Rugova do të çonte letër në Speciale në mbrojtje të UÇK-së

Melihate Tërmkolli nga Lidhja Demokratike e Kosovës ka reaguar pas fillimit të gjykimit të ish-krerëve të Ushtrisë Çlirimtare të Kosovës, shkruan GazetaDemos.

Ajo përmes një postimi në Facebook ka thënë se po të ishte gjallë Ibrahim Rugova do të dërgonte një letër në Speciale, në mbrojtje të luftës së UÇK-së dhe popullit të Kosovës.

Tërmkolli tutje ka kritikuar Presidenten dhe Kryeministrin që s’kanë reaguar fare në lidhje e gjykimin në Speciale.

“Presidentja u muar me  plotësimin e “stafit” të saj, ndërsa Kryeministri dhe ndihmësit e tij me ”Zajedenicën””, shkroi ajo.

Reagimi i plotë i saj:

Po të ishte Presidenti Rugova, e pakta që do të bënte dje, ai do të niste një letër Gjykatës Speciale në mbrojtje të luftës së UҪK-së dhe popullit të Kosovës për çlirim nga okupatori gjenocidal serb dhe do të uronte pafajësinë e të gjithë të akuzuarëve. Burrështetasi e patrioti i vërtetë, në rend të parë vë interesin e shtetit!

Asnjë fjalë nga Presidentja, tani! Asnjë fjalë nga Kryeministri, tani!

Ku po jetojnë përfaqësuesit më  të lartë të Kosovës, në çfarë planeti janë?!

Presidentja u muar me  plotësimin e “stafit” të saj, ndërsa Kryeministri dhe ndihmësit e tij me ”Zajedenicën”!

Turpi ka emër e mbiemër!

Dhe jo vetëm turpi!