24 vjet nga masakra në Pastaselë të Rahovecit dhe në Burim të Malishevës

Masakra në Pastaselë të Komunës së Rahovecit dhe në Burim të Malishevës janë ndër nga masakrat më të tmerrshme që kanë bërë forcat kriminale serbe gjatë luftës së Kosovës të vitit 1999.

Në masakrën në Pastaselë të Rahovecit janë vrarë dhe masakruar 106 persona nga ky fshat dhe fshatrat tjerë përreth.

Ndërsa nga vrasja dhe masakrimi e 106 martirëve, deri më tani nuk është dënuar asnje serb që e kanë bërë këtë masakër në fshatin Pastaselë.

Gjithashtu sot bëhen 24 vjet nga masakra e fshatit Burim të Malishevës, ku në këtë masakër u vranë dhe u masakruan 42 civilë shqipëtar.

Masakra në këtë fshat është masakra më e madhe që ka ndodhur në Malishevë gjatë luftës së fundit, ndërsa deri më sot, për këtë ngjarje dhe për asnjë vrasje tjetër gjatë luftës, nuk është dënuar ende askush.

Më 31 mars 1999, te vendi i quajtur Vrella e Mëhillit në Burim të Malishevës, u vranë dhe u masakruan 42 civilë, shumica prej tyre nga fshatrat Dragobil dhe Astrazup, si dhe tre banorë të Suharekës, të cilët ishin strehuar në këtë pjesë. Po në këtë ditë, në fshatrat tjerë janë vrarë dhe masakruar edhe civilë të tjerë.