Emocionohet në studio Sami Lushtaku: Më 7 mars në orën 2 të mëngjesit kam shkuar tek varri i Adem Jasharit

Të rralla janë rastet kur eprorët e Ushtrisë Çlirimtare të Kosovës mund të shihen të mërzitur në publik, e veçanërisht në intervista para kamerave.

Mirëpo, kur flitet për familjen e kryekomandantit të UÇK-së, Adem Jashari e familjet e dëshmorëve, vështirë se mund t’i kontrollosh emocionet.

Kaq të vështirë e kishte edhe ish-komandanti i UÇK-së nga Drenica, Sami Lushtaku i cili gjatë kohës që fliste për këto tema u emocionua në studio, e që kulmi i emocioneve ishte teksa fliste për trajtimin e institucioneve shtetërore karshi kategorive të luftës.

“Unë me 7 mars kam shkuar kah ora 2 e natës para vorrit të komandantit legjendar të Adem Jasharit e familjes së tij, të Ilaz Kodrës e shumë bashkëluftëtarëve të mi, kjo është një situatë tepër e rëndë, me kalimin e kohës emocionet janë prezentë, nuk është e lehtë kur i sheh familjet e dëshmorëve e invalidëve, nuk është e lehtë, ne që kemi pasur fatin të jemi gjallë sot, unë mendoj që më lehtë e kanë ata që kanë vdekur se ne, edhe ne jemi njëfar kufoma të gjalla. Kur e sheh që shtetit yt nuk ia jep meritat atyre që kanë bërë shumë për këtë vend, përjashto ne që jemi të gjallë, por të paktën ata që kanë vdekur, politika nga njëherë i përkujton këto familje vetëm në përvjetor, duhet të shikohen se si ndjehen ata e jo vetëm si figurë”, ka thënë mes emocionesh Lushtaku, shkruan GazetaDemos.

Intervista e plotë: