PSD: Nesër protestojmë duke kërkuar dorëheqjen e Kurtit

Kryetari i Partisë Socialdemokrate (PSD), Dardan Molliqaj, ka thënë se Marrëveshja në Ohër, nuk ka mbështetje politike e as legjitimitet.

“Marrëveshja është jashtëzakonisht e dëmshme. Prandaj rezistenca duhet të jetë e përbashkët e masive. Nesër, me 25 mars, protestojmë duke kërkuar dorëheqjen e Kurtit. Ky kryeministër nuk ka legjitimitet të nënshkruajë marrëveshje të tillë”, ka thënë Molliqaj në një postim në Facebook.

Sipas tij, në njërën anë, marrëveshja normalizon mosnjohjen në mes të Kosovës dhe Serbisë dhe, me vullnetin politik të Kurtit dhe Kosova heq dorë nga kërkesa për njohje, ndwrsa më anën tjetër, Kosova, me vullnetin politik të Kurtit, merr përsipër të krijojë Asociacion njëetnik me autonomi substanciale si formë e pushtetit paralel përballë pushtetit qendror.

“Me këtë rast falënderojmë NISMA-n Socialdemokrate, organizatën OVL-UÇK dhe personalitetet publike të shqetësuar me cënimin që po i bëhet demokracisë”, ka thënë ai.