Çerkini për marrëveshjen e Ohrit: Jam i zhgënjyer, po na qesin ujë valë në zemra tona

Para dy dite është mbajtur një takim mes kryeministrit të Kosovës, Albin Kurti, dhe presidentit të Serbisë, Aleksandar Vuçiq në Ohër.

Në lidhje me aneksin që u publikua nga BE-ja pas takimit, po vazhdojnë reagimet.

Një nga këto reagimet është edhe ai i Bajram Çerkinit, kryetar i shoqatës “Zëri i Prindërve”, i cili theksoi se është i zhgënjyer nga takimi.

“I zhgënjyer total, i mërzitshëm total. Çdo familje që nuk ka ndi dhe s’ka mujtë me fjet deri sot, mos mu ndi asnjë fjalë e njerëzve të cilët i kanë të humbur edhe 1617 veta. O zotni njerëz janë, fëmijë i kemi, përditë po na qesin ujë të valë në zemrat tona”, tha Bajram Çerkini, kryetar i shoqatës “Zëri i Prindërve”.