Memli Krasniqi dhe deputetja e VV-së vizitojnë Ferdonije Qerkezin

Kryetari i PDK-së, Memli Krasniqi ka vizituar ekspozitën e Artan Korenicës, në të cilën shfaqet një film i shkurt për jetën e Ferdonije Qerkezi, e cila quhet “Mirë se vini në tavolinë”.

Krasniqi në vizitën e tij shihet të jetë ulur në tavolinën e Ferdonijes së bashku me deputetët e VV-së, Adriana Matoshi, dhe disa personalitet të tjera.

Krasniqi ka thënë se nëna Ferdonije është zonja jonë e hekurt, e cila ka humbur katër djemtë dhe burrin e saj në luftën e fundit në Kosovë.

“Janë disa personalitete para të cilave mbetesh pa fjalë, jo sepse nuk ke, por të gjitha të duken të varfëra për të përshkruar dhembjen, sakrificën, qëndresën, kurajon dhe jetën e tyre. Një e tillë është zonja jonë e hekurt, nana Ferdonije Qerkezi, e cila ka humbur katër djemtë dhe burrin e saj në luftën e fundit në Kosovë. Edhe sonte, pata nderin që ta takoj në ekspozitën e Artan Korenicës, në të cilën u shfaq edhe një film i shkurtër për jetën e saj. “Mirë se vini në tavolinë” – është një ekspozitë e cila duhet të vizitohet nga të gjithë, që, të paktën për disa momente, secili të solidarizohet dhe të ndajë dhembjen me nanën Ferdonije dhe qindra familje të të pagjeturve të Kosovës. Me këtë ekspozitë, Artan Korenica ka dëshmuar edhe një herë se është një nga artistët më të mirë dhe më origjinal që kemi. Faleminderit për të vërtetën dhe emocionet, Artan!”, ka shkruar Krasniqi.