Humbi gruan shtatzënë nga Covid-19, babai i 7 fëmijëve akuzon mjekët për neglizhencë

Jeton Nimani nga Banja e Pejës ditë më parë ka humbur gruan nga Covid-19.

36 vjeçarja ishte në muajin e tetë të shtatzanisë kur u infektua me covid-19.

Nimani thotë se gjendja e gruas së tij ishte e mirë për 9 ditë, por pas një kontrolli në QKUK iu përkeqësua gjendja e saj, ku më pas edhe vdiq pas lindjes së vajzës.

Ai ka akuzuar mjekët për neglizhencë pasi sipas tij, edhe shenjat në trup të gruas e bënte për të dyshuar në një gjë të tillë.

Nimani tani kujdeset i vetëm për shtatë fëmijët e tij, ku më i madhi është 9 vjeç e më i vogli disa ditë.

Ai ka kërkuar ndihmë nga të gjithë bamirësit, që së paku veshmbathje e gjëra ushqimore të ketë për fëmijët e tij.