Katër persona grabisin një kompani në Shtime, Policia është në kërkim të tyre

Katër persona të armatosur kanë grabitur një kompani në Shtime, prej ku kanë marrë katër mijë euro, shkruan GazetaDemos.

Policia ka njoftuar se të dyshuarit kanë ikur nga vendi i ngjarjes, derisa sipas tyre, kanë djegur në pyll veturën me të cilën kishin lëvizur.

“Rruga “12 Qershori”, Shtime 26.01.2023 – 13:09. Katër persona të dyshuar të panjohur, nën kërcënimin e armëve kanë kryer grabitje në një kompani ku kanë grabitur 4000 €. Të dyshuarit janë larguar nga vendi i ngjarjes me një veturë, e cila veturë më pas është gjetur e djegur në një pyll. Dyshohet se të dyshuarit e njëjtë kishin hasur në një viktimë mashkull kosovar të cilit duke e kërcënuar me armë i kishin grabitur portofolin dhe telefonin mobil. Rasti është duke u hetuar” thuhet në raportin 24 orësh të Policisë.