Mbappe do të gjobitet nga FIFA

Lojtari i Francës Kylian Mbappe do të marrë një gjobë nga FIFA për sjelljen e tij pas dy ndeshjeve hapëse të Francës në fazën e grupeve të Kupës së Botës.

23-vjeçari ka shkëlqyer në fushë në Katar, duke shënuar tashmë tre gola.

Atij iu dha çmimi i Lojtarit të Ndeshjes në të dyja ndeshjet – që sipas rregullave të FIFA-s do të thotë se i kërkohet të flasë me media më pas – por Mbappe refuzoi, shkruan Dailymail, transmeton Klankosova.tv.

Sipas ESPN, veprimet e tij i kanë lënë organit drejtues të futbollit më pak zgjidhje, përveçse të gjobisë sulmuesin 23-vjeçar për kundërshtimin e rregullave të FIFA-s.

Si lojtari ashtu edhe Federata Franceze e Futbollit u ndërgjegjësuan se nëse sulmuesi do të përsëriste veprimet e tij, do të kishte sanksionim për këtë.

Megjithatë, pavarësisht udhëzimeve të qarta, Mbappe sërish refuzoi të takohej me mediet pasi mori çmimin e lojtarit të ndeshjes kundër Danimarkës të shtunën.