Kusari: Përpjekjet e orkestruara të LVV-së për të deligjitimuar mediat vazhdojnë të dështojnë

Juristja e të drejtës së mediave, Flutura Kusari, ka reaguar pasi deputeti i LVV-së, Sali Zyba, ka publikuar sot në Facebook, një videomontazh ku paraqet kryeredaktorin e televizionit T7, Arsim Lani dhe drejtorin e T7 dhe Gazeta Express, Leonard Kërquki duke prezantuar emisione të ndara të vitit 2016 dhe 2022 me mbishkrimin “E njëjta luftë e UÇK-së, i njëjti medium”.

E krejt kjo është konsideruar një linçim nga Asociacioni i Gazetarëve të Kosovës, teksa Kusari ka thënë se përpjekjet e orkestruara nga parrtia në pushtet për ta deligjitimuar profesionin e gazetarëve kanë dështuar e do të vazhdojnë të dështojnë.

“Përpjekjet e orkestruara të Lëvizjes Vetëvendosje për të deligjitimuar profesionin e gazetarit/es dhe rolin e mediave kanë dështuar deri me tani dhe do të vazhdojnë të dështojnë. #T7 #AGK”, shkroi ajo në Facebookun e saj.