Ministri Latifi jep detaje për pajisjen me leje pune për profesionistët shëndetësor

Ministri i Shëndetësisë Rifat Latifi, ka folur në lidhje me vendimin e fundit të qeverisë, për lirimin nga obligimet për paisjen me Leje Pune për profesionistët shëndetësor.

Latifi ka thënë se këto obligime do të pezullohen për një afat 5 vjeçar, dhe vlejnë për profesionistët shëndetësor nga diaspora, e të cilët angazhohen me këresë të institucioneve të Kosovës, përkohësisht.

“Ky udhëzim lehtëson procedurat dhe i kanë larguar profesionistë tanë që të kërkojnë licencë këtu. Këto trajnime do të jenë të planifikuara dhe do të ketë regjistër të veçantë. Bashkudhëtareve tanë kohëzgjatja do të jetë 5 vjeçare. Në çdo institucion shëndetësor do të jetë në një listë shumë e shkurtër. Janë paraparë lehtësime profesionistëve shëndetësor për qëllime humanitare për 30 ditë”, tha ai.

“Ne kemi një pabarazi të mjekëve prej Prishtinës në krahasim me vendet tjera. Kemi shumë kirurg në Prishtinë e jo në spitale tjera. Ne nuk kemi të dhëna sepse shumica e mjekëve janë kthyer në spitale private. Nuk e di sa mjekë vijnë nga lugina e Preshevës dhe vende tjera. Ne jemi të interesuar të gjithë të kthehen në sistemin publik por ata është në rregull të vijnë edhe në atë privat”, tha tutje Latifi, teksa shtoi se prioritet e kanë edhe zhvillimin për përgatitjen e listës esenciale.

“Buxheti për listën esenciale do të rritet edhe tash është rritur”, shtoi ministri.