Berisha: Për çdo ditë Kurti po i përtypë me zor fjalët e zotimet e tij dhe fare nuk po skuqet

Gazetari Ridvan Berisha ka komentuar marrëveshjen e fundit të Qeverisë së Kosovës me Serbinë që ka të bëjë me reciprocitetin me dokumente, shkruan GazetaDemos.

Sipas Berishës, Kurti tani po e përjeton presionin ndërkombëtar, e që në të kaluarën ai thoshte se nuk e di se cfarë domethënie ka ai.

“Kurti po kërkon zgjedhje të parakohshme për ta ideuar një formulë politike të koalicionit të gjerë. Është i molisur nga dilogu me Serbinë, e tash e ka përjetuar edhe presionin ndërkombëtar, kur më herët thoshte se nuk e di se çka dmth ky presion”, ka shkruar mes të tjerash ai.

Reagimi i plotë i tij:

Kurti po kërkon zgjedhje të parakohshme për ta ideuar një formulë politike të koalicionit të gjerë. Është i molisur nga dilogu me Serbinë, e tash e ka përjetuar edhe presionin ndërkombëtar, kur më herët thoshte se nuk e di se çka dmth ky presion.

Për çdo ditë Kurti po shtrëngohet t’i përtypë me zor fjalët e zotimet e tij dhe fare nuk po skuqet.

Është i molisur edhe nga përformaca e dobët e qeverisjes përbrenda.

Exit-i për të janë zgjedhjet si kapitull i ri, për rilegjitimitet, për t’i lënë në arkiv të gjitha zotimet e piskamat kundër oponentëve duke e modeluar një fazë të re, koncenzusin mbarëshoqëror!

Gjithmonë është theksuar se uniteti në raport me Serbinë është jetik!

A është tani Kurti adresa premtuese e këtij uniteti?!

Ta shohim. Unë fare nuk kam besim në të!

Hija e kaosit do ta ndjekë çdo herë profilin e tij si politikan kaotik!