150 mijë euro do t’ kushtojë Komunës së Prishtinës organizimi i festivalit “Sunny Hill”

Organizimi i festivalit “Sunny Hill” në parkun Gërmia, Komunës së Prishtinës do t’i kushtojë 150 mijë euro.

Në faqen zyrtare të e-Prokurimit është bërë e ditur një gjë e tillë, përmes publikimit të dhënies së kontratës.

Festivali i organizuar nga Dua Lipa dhe babai i saj, Dukagjini, do të zgjas 4 ditë radhazi, ku do të performojnë emra të famshëm ndërkombëtarë.

Krahas emrave botërorë, do të jenë edhe ata vendor, e që në natën e parë do të performojë Elvana Gjata dhe Yll Limani.

Derisa gjatë ditës së djeshme komuna njoftoi se për katër ditë rruga për Gërmi do të jetë e bllokuar.