Gani Geci: Gjithë jetën i jam mirënjohës Sami Lushtakut

Gani Geci në emisionin “n’Demos” ka folur mbi raportin e tij me ish-gjeneralin e UÇK-së, Sami Lushtakun.

Ai ka rrëfyer një moment kur i është plagosur vëllai i tij në luftë, dhe i vetmi që u ka dalur në ndihmë ka qenë bashkëluftëtari i tij nga Drenica, Sami Lushtaku.

“Unë e kam pas shok Sami Lushtakun, nuk kemi pasur bashkëpunim politik, por kemi qenë shok, edhe para luftës edhe gjatë luftës e pas saj nuk jemi ndarë asnjëherë. Gjatë luftës, mua më është plagosur vëllai, Esati dhe ka qenë pikërisht Samiu ai i cili ka ardh i vetmi në ndihmë në 1998. Gjithë kohën me Saminë, edhe pas luftës kur kanë ardh disa hajna me na vra, Samiu e ka pas gardën, e i kemi pasur armiqtë e përbashkët, me Samiun i kemi ruajtur raportet, tërë kohën jam mirënjohës për Sami Lushtakun”, është shprehur Gani Geci.

Ai pos tjerash, ka treguar se si i ka vrarë rreth 12 policë serbë në një pritë të organizuar me bashkëluftëtarët e tij.

“Ka shumë herë që unë kam ra në pritë, unë gjithëmonë i ka ra asaj rruge që më ka thënë koka ime, unë kam rënë në pritë në ’91, ’98 kam ra në pritë të Policisë, kemi nxo prita, një në Mitrovicë e një në Qirez, bashkë me shokë të mi i kemi vra 12 policë serbë, ka qenë Emin Lati, Sabit Lladrovci, e 8-9 vet të tjerë e kemi marrë një murtajë e iu kemi nxanë pritën, erdh një kamion dy veta pak na dokën, erdh një tjetër ke vetëm një, pastaj erdh një kombi, e i kish pas nja 10-12 vet në të, unë e kam gju me murtajë e ka rrok në rrotë të fundit, e kemi pas që kur ta gjuj me murtajë ata me gju me kallash, tu shku me iu marr armë, një serb e ka gju një bombë e jemi kthy”, ka pohuar Geci në emisionin “n’Demos”.

Emisionin e plotë me rrëfimet e Gani Gecit mund ta ndiqni këtu: