“Izet Avdiun nuk e mbyti djali, vdiq nga infarkti”

Milazim Avdiu, ka deklaruar për televizionin se babai i tij, Izeti, vdiq nga sulmi në zemër.

Më herët gjatë ditës u raportua se 76-vjeçarit iu shua jeta pas dhunës që u ushtrua në të nga biri i tij.

Informacionet e pavërteta për vdekjen e Izetit, sipas djalit të tij, ia rënduan dhimbjen familjes Avdiu, në të cilën, siç tha Milazimi, nuk pati asnjëherë dhunë.

Gjithnjë sipas djalit të të ndjerit, askush nga familja e tyre nuk raportoi për diçka të tillë ndonjëherë në polici. E për ata që shpërndanë dezinformata, këta po mendojnë edhe padi.

Policia nuk hapi rast për këtë që ndodhi, pasi mjeku konstatoi se i ndjeri vdiq natyrshëm.

Trupi i 76-vjeçarit do të prehet në varrezat e Brodit.