Lija e majmunëve, MSH dhe IKSHPK thërrasin konferencë për media

Ministria e Shëndetësisë, së bashku me Institutin Kombëtar të Shëndetësisë Publike të Kosovës do të mbajnë konferencë të mërkurën gjatë orës 14:00.

MSH ka bërë të ditur me anë të një komunikate se do të flitet për sëmundjen e lisë së majmunëve, shkruan lajmi.net.

“Përfaqësues të Ministrisë së Shëndetësisë dhe të Institutit Kombëtar të Shëndetësisë Publike do të mbajnë sot më 25 maj 2022 konferencë për media, në të cilën do të flitet për sëmundjen e lisë së majmunëve”, njoftoi komunikata.

“Konferenca mbahet në ora 14:00 në Ministri të Shëndetësisë”, përfundon njoftimi.