Autoritetet ukrainase konfirmojnë hyrjen e forcave ruse në Azovstal

Autoritetet ukrainase kanë konfirmuar hyrjen e forcave ruse në uzinën Azovstal, në Mariupol.

“Përpjekjet për të sulmuar fabrikën vazhdojnë për ditën e dytë. Trupat ruse janë tashmë në territorin e Azovstal-it”, theksoi kryetari i delegacionit ukrainas në bisedimet me Rusinë, David Arahamiya për Radio Svoboda.

Që nga mbrëmja e 4 majit, autoritetet ukrainase kanë kontakte me mbrojtësit e Mariupol-it, të cilët ndodhen në territorin e uzinës Azovstal0-it.

“Të mërkurën, rusët hynë në uzinë, e cila u bombardua dhe granatua. Luftimet e ashpra po zhvillohen në Azovstal. Nuk ka asnjë lidhje me luftëtarët ukrainas”, shkruante “E Vërteta Ukrainase”.

Një ditë më parë, trupat ruse nisën një sulm në fabrikën metalurgjike Azovstal në Mariupol, tha gazetari Andrei Tsaplienko.

Civilët dhe mbrojtësit ukrainas vazhdojnë të jenë ende në territorin e saj.

Kryetari i bashkisë së Mariupol-it Vadim Boychenko tha se më shumë se 100 mijë njerëz mbeten në qytetin e pushtuar.

Sipas të dhënave paraprake, kishte rreth një mijë civilë të Mariupol-it, duke përfshirë rreth 60 fëmijë, në strehimoret e bombave të uzinës Azovstal.

Gjithashtu ka disa qindra ushtarë ukrainas të plagosur.