Fuqia ShBA-Rusi, cila superfuqi ka më shumë armë bërthamore?

Rusia ka 6 mijë e 257 koka bërthamore në total, ndërkaq ShBA-ja ka 5 mijë e 550 të tilla. Por Shtetet e Bashkuara të Amerikës kanë 1800 koka bërthamore aktive për dallim nga Rusia që 1600 aktive.

Koka bërthamore pasive Rusia i ka gjithsej 2897 të tilla, kurse ShBA-ja 2000.

Dy superfuqitë botërore kanë koka bërthamore të cilat janë jashtë funksionit, Rusia ka 1760 të tilla kurse ShBA-ja 1750.

Përshkak të sekreteve shtetërore nuk dihet numri i saktë i armëve bërthamore, por duke iu falënderuar zbulimeve, të dhënave dhe rrjedhjeve (të informatave), mund ta vizualizojmë shkallën e plotë të arsenalit bërthamor botëror.

Bazuar në këto vlerësime, nëntë shtete të botës posedojnë armë nukleare.

Sipas të dhënave, Rusia ka 6 mijë e 257 koka bërthamore, ndërkaq ShBA-ja ka 5 mijë e 550 koka bërthamore.

Pas tyre vjen Kina me 350 koka bërthamore, e pasuar nga Franca me 290, Britania e Madhe ka 225 të tilla, ndërkaq Pakistani ka 165.

India është në vendin e shtatë dhe posedon 160 koka bërthamore, kurse Izraeli ka 90 dhe Korea e Veriut 45.