7-shi i AAK-së, Pal Lekaj: Ky numër përfaqëson besimin që më keni dhënë ndër vite

Pal Lekaj është kandidati i AAK-së për deputet në zgjedhjet e 28 dhjetorit, shkruan DEMOS.

Lekaj mban numrin 7 në listën zgjedhore të AAK-së, e ai përmes një postimi në “Facebook” tregoi se pse e ka zgjedhur këtë numër.

“Numri 7 përfaqëson besimin që më keni dhënë ndër vite dhe përgjegjësinë që e kam mbajtur me nder.”, shkroi Lekaj.

Postimi i plotë:

Numri 7 është pjesë e identitetit tim politik pasi gjithmonë kam garuar me të.

Ky numër për mua është simbol i qëndrueshmërisë, i përkushtimit dhe i rrugës që nuk e kam ndërruar asnjëherë.

Numri 7 përfaqëson besimin që më keni dhënë ndër vite dhe përgjegjësinë që e kam mbajtur me nder.

Edhe në zgjedhjet e 28 dhjetorit do të garoj me numrin 7, bashkë me Aleancën për Ardhmërinë e Kosovës, që bart numrin 129.

Ne udhëhiqemi nga vlerat dhe vizioni për Kosovën që është krah teje!

#AAK #7 #129