50 minatorë të rinj nisin punën në ndërmarrjen “Trepça”

Kanë nisur punën 50 minatorë të rinj në ndërmarrjen Trepça, shkruan Gazeta Demos.

Kështu është bërë e ditur nga kjo ndërmarrje ku është njoftuar edhe për aftësimin profesional të 210 minatorëve në minierat e saj.

Punësimin e të rinjve, Trepça e konsideron si akt patriotik për vendin dhe se zotohet për kontributin dhe produktivitetin që do t’i shtohet kësaj ndërmarrje.

Njoftimi i plotë:

Sot filluan punën 50 minator të rinj në Njësinë Biznesore Minierat me Flotacion Trepça – Stan Tërg. Ndërmarrja Trepça Sh.A. ka aftësuar profesionalisht 210 minatorë në minierat e saja. Pas një procedurë me konkurs të hapur, tejet meritokratik, ka arrit të punësoj 50 minatorë në minierën e Stantërg-ut. Hapja e vendeve të punës në kohën bashkohore cilësohet akt patriotik për vendin. Punësimi i 50 minatorëve të rinj në ndërmarrjen Trepça Sh.A. pritet të kontribuoj në rritjen e produktivitetit në ndërmarrje dhe rritjen e mirëqenies ekonomike në vend. Ndërmarrja Trepça Sh.A. është zotuar se do të vazhdoj punësimin e të rinjve në njësitë e saja biznesore, me qëllim të zhvillimit ekonomik të ndërmarrjes, vendit dhe zvogëlimit të papunësisë në vend.