Sivjet do të jetë vera më e nxehtë në dy dekadat e fundit, japin detaje nga IHMK

Besim Aliu nga Instituti Hidrometeorologjik i Kosovës ka thënë se temperaturat e regjistruara në muajin qershor të këtij viti janë shumë më të larta që nga viti 2001.

Ai tha se temperaturat e muajit të kaluar kanë arritur deri në 35.6, e që sipas tij temperatura si këto në vitet e kaluara kanë mbretëruar në muajt korrik dhe gusht.

Aliu në “Ora Shtatë në Klan Kosova” tha se nga datat 20 deri 30 qershor, temperaturat kanë arritur mbi 30 gradë celsius.

Parashikuesi i motit nga IHMK përmes një grafike të prezantuar në studion e mëngjesit në Klan Kosova njëherit ka shpjeguar se edhe deri në sa gradë kanë arritur temperaturat në muajin qershor që rezulton se ishte më i nxehti.