24 orë me zemrën e derrit – kjo është gjendja e pacientit

David Bennet është personi i parë në botë që i është bërë transplantimi në zemër, duke e marrë një të tillë të modifikuar nga një derr. Djali i tij, David Bennett Jr, ka deklaruar për BBC-në se një operacion i tillë i rrallë ishte shumë vështirë i besueshëm, e të njëjtin e quajti delir.

Bennett tha se doktorët “i propozuan” marrjen e zemrës së një derri, pasi zemra e njeriut në këtë rast nuk do të ishte “e preferueshme”.

Transplanti ishte shpresa e fundit për jetë e Bennettit, edhe pse s’është e qartë nëse do t’i shtojë shanset për jetë më të gjatë.

“Ishte ose vdekje ose ky transplant”, pati thënë Bennetti një ditë para operimit. “E di se është sikur të gjuash në errësirë, por është shansi im i fundit.”

Doktorët në Qendrën Mjekësore të Universitetit të Marylandit morën leje speciale nga autoritetet e SHBA-së për të kryer procedurën, pasi në të kundërtën Bennetti do të vdiste. Ai konsiderohej i papërshtatshëm për një transplant njerëzor, një vendim që merret kur pacienti është në gjendje të rëndë shëndetësore.